:الموقع فى مرحله التجديد واضافه البيانات
:01061176322
:info@promisegr.com

كيفيه اختيار الطلمبه المناسبه للبئر

لما بتيجى تحدد مواصفات لطلمبه معينه لازم يكون عندك بيانات محدده علشان تقدر تاخد الطلمبه الملائمه للبير بتاعك …احنا فى البوست ده هنعرفك ايه اللى مطلوب منك بالظبط من معلومات و ليه احنا بنطلب منك معلومات معينه

اولا لازم نعرف مستوى سطح المياه الجوفيه وده علشان تحدد وضع الطلمبه فى البير بالظبط يعنى الطلمبه بتنزل تحت مستوى سطح المياه الجوفيه بمسافه محدده علشان اثناء تشغيل الطلمبه بيحصل هبوط فى المستوى ده ..فلازم تكون مأمن الطلمبه ومحطوطه فى مكان مناسب علشان ماتتحرقش وعموما ممكن تنزل تحت مستوى سطح المياه ب20 متر …يعنى لو عندك سطح المياه فى البير 50 متر انت بتحط الطلمبه على 70 متر …وده طبعا مش قاعده اساسيه فى كل الابار

ثانيا قطر البير علشان تحدد قطر الطلمبه الخارجى المناسب للبير علشان فى طلمات 4 بوصه و6 بوصه و8 بوصه و10 بوصه ….افرض انك عندك مواسير بتاعه البير 8 بوصه ..فمش هينفع تجيب طلمبه قطرها 8 بوصه تنزلها فيه ..طبعا مش هتنزل ولو حاولت هتقطع الكابل وتبوظ الطلمبه …

ثالثا لازم تكون محدد كميه المياه اللى انت محتاجها على حسب عدد الافدنه اللى عندك او محتاج كام حصان بالظبط ..

رابعا الطلمبه هتشتغل مولد ولا كهرباء ولا طاقه شمسيه علشان ده بيختلف فى تحديد عدد المراحل بالنسبه للطلمبه وبيتحدد قدره الطلمبه بالنسبه لقدره الماتور لتحقيق اقصى عمر افتراضى للماتور

طيب لو انت لسه محفرتش البير؟؟؟

للاسف بيبقى صعب انك تحدد مواصفات للطلمبه لان طلمبة الاعماق تتحدد على النتائج الفعليه للبئر عن طريق مستوى سطح المياه الجوفية .ومن الممكن ان تتغير مواصفاتها بعد الحفر بناءا على النتائج الفعليه للبئر .الصورة التاليه صورة توضيحيه لبئر عمقه 97 متر ومستوى سطح المياه على 27 متر ويوضح تركيب طلمبه الاعماق .حيث ان طلمبه الاعماق يتم تركيبها تحت مستوى سطح المياه ب30 او 20 متر عن طريق وصلات من المواسير ويتم توصل طلمبه الاعماق بكابل بحرى حتى لوحة التشغيل خارج البئر …وطبعا لازم طلمبه الاعماق بتتحط فى منطقه مواسير قيسونات وليست مصافى علشان ماتسحبش رمل

ملحوظه هامه جدا :: خد بالك ان الطلمبه مثلا ال15 حصان ممكن تكون 20 مرحله او 12 مرحله او 7 مرحله او 6 مرحله او 3 مرحله …وكل دول 15 حصان باسعار مختلفه …فانت ماتطلبش طلمبه 15 حصان مثلا من غير ماتكون عارف هى هتبقى كام مرحله

Leave a Reply

Your email address will not be published. Required fields are marked *

Related Posts

ما هى عينات التربه المستخرجه وانواعها وكيفيه استخراجها ؟ما هى عينات التربه المستخرجه وانواعها وكيفيه استخراجها ؟

ناخد عينه لكل متر عمق من الجسه ولو لقيت تغير ف الطبقات في المتر الواحد ناخد عينه كل 0.5 متر، وعند استخراج العينه بكتب عليها اسم الموقع ورقم الجسه وعمق

ماكينه الجسات الميكانيكيه (الحفر الدوار- )ماكينه الجسات الميكانيكيه (الحفر الدوار- )

– نفس النظام دفع مع دواران، ولان في الطريقه الديويه كنا نستخدم العمال في الطريقه الميكانيكيه نستخدم الماكينه- تتميز ماكينه الحفر الميكانيكي بالقدره علي الحفر التربه الصخريه ويمكنها الحفر باعماق

اتصل بنا 
error: Content is protected !!